想出去玩得开心又放心 计划离港外游前 5个必读旅游业赔偿基金

浏览量311 点赞904 2020-07-10
(presented by the Travel Industry Compensation Fund Management Board)

係人都知香港人生活压力大,唔少朋友,尤其年轻一族,都锺意出外旅行散吓心,放假抖吓气。不过外游要玩得开心又放心,大家就一定要确保自己嘅旅程受到全面嘅保障。就好似香港其实有个旅游业赔偿基金(简称「赔偿基金」)係可以保障外游旅客㗎。今次一于同大家讲吓外游前 5 个必读赔偿基金注意事项。计划离港外游嘅你,记得留意喇。

1. 了解赔偿基金所提供嘅保障

简单嚟讲,外游旅客如果损失咗外游费,赔偿基金可以为受影响旅客提供所损失外游费 90% 嘅特惠赔偿,呢个情况一般发生喺持牌旅行社倒闭嘅情况下。如果万一唔好彩,外游旅客喺持牌旅行社提供或举办嘅外游活动中意外伤亡,係可以得到总数高达 HK$300,000 嘅特惠赔偿以报销当地医疗、殓葬/遗体(包括骨灰)运返香港以及亲属因旅客伤亡而往访当地所招致嘅实际开支。

想出去玩得开心又放心 计划离港外游前 5个必读旅游业赔偿基金

相信大家读到呢度,都会有相近嘅疑问:咩叫做外游旅客?外游费一般包括咩项目? 点先可以确保自己能够受到赔偿基金嘅保障?咁大家就要留意埋下面四个重要嘅注意事项喇!

2. 知道点为之係「外游旅客」

话明赔偿基金係保障「外游旅客」,咁点为之係「外游旅客」呢?根据《 旅行代理商条例 》(第 218 章),「外游旅客」係指已经向持牌旅行社付款购买下列全部或任何两项服务的人,包括:

1)由香港出发去内地或海外嘅交通;

2)喺香港境外任何地方嘅住宿;

3)喺香港境外任何地方嘅活动(由持牌旅行社安排)。

所以大家要买咗上述其中两项或以上嘅服务先喺法例上属于「外游旅客」,可以得到赔偿基金嘅保障。

而根据呢个定义,购买单项机票、船票、巴士票或酒店住宿嘅交易係唔属于赔偿基金嘅赔偿範围。另外,购买咗一啲冇明确指定可以兑换上述任何两种或以上旅游服务嘅旅游现金劵或优惠券都唔属于基金嘅赔偿範围,大家要了解清楚喇。

想出去玩得开心又放心 计划离港外游前 5个必读旅游业赔偿基金

3. 知道「外游费」一般包括咩收费项目

一般而言,外游费所包括嘅收费项目总係关乎(a)离港交通;(b)香港境外住宿;(c)香港境外活动(并且同(a)、(b)无关係)之中嘅任何两项。大家可以参考以下一些常见外游收费项目嘅例子:

离港交通:常见例子有机票/邮轮船票、座位升级附加费、飞机乘客离境税、签证申请费、客运燃料附加费、旅游保险、机场保安税和机场建设费等。

香港境外住宿:常见例子有住宿/房间费、单人房附加费、房间升级附加费、额外加床费用、额外早餐费用和邮轮上相类项目的费用等。

香港境外活动:常见例子有主题公园和景点入场费,同埋城市游览的费用等。

想出去玩得开心又放心 计划离港外游前 5个必读旅游业赔偿基金

4. 记住拣持牌嘅旅行社

购买外游服务嗰阵,无论你係上网买,定係去实体店买,记得一定要向持牌嘅旅行社买先可以得到赔偿基金嘅保障。旅行社嘅牌照号码係有六位数字,牌照号码字头会係“35”或“24”。

如果大家唔清楚你哋想帮衬嘅旅行社有冇持有有效牌照,可以浏览政府旅行代理商注册处网页查询。(网址

想出去玩得开心又放心 计划离港外游前 5个必读旅游业赔偿基金5. 确保取得印花收据嘅正本

如果大家买咗多过一项外游服务(即係第(二)点所讲嘅三项服务中嘅两项或以上), 就记得攞到付款收据正本后,一定要睇清楚收据上有冇盖上印花(印花式样见下列两图)。 印花都有两样嘢要留意。

首先,大家要留意番印花上面有冇清晰显示徵收嘅金额同日期。记住呢,旅行社係要帮大家缴交相等于已付外游费全数0.15% 嘅印花徵费。例如,如果你畀咗旅行社HK$8,000购买香港至曼谷机票连当地酒店住宿套票,你张付款收据正本上嘅印花就应该显示旅行社已经帮你缴交左HK$12 嘅印花徵费。

仲有呢,大家要留意收据同印花上所显示嘅旅行社名称同牌照号码,係咪同大家帮衬嘅旅行社一样。

因为持有盖上印花收据正本嘅外游旅客,先会受到旅游业赔偿基金嘅保障。如果发现有唔妥,记得提你哋帮衬嘅旅行社纠正番呀。如果想查询或投诉有关印花徵费嘅事宜, 可以致电香港旅游业议会(电话:2969 8188)。

由传统印花机发出嘅徵费印花嘅式样:

想出去玩得开心又放心 计划离港外游前 5个必读旅游业赔偿基金

由电子印花徵费系统发出嘅徵费印花嘅式样:

想出去玩得开心又放心 计划离港外游前 5个必读旅游业赔偿基金

了解完旅游业赔偿基金5个必读注意事项,出发前亦要记得买番份适合自己嘅旅游保险,双重保障先係最醒!

想知更多关于旅游业赔偿基金嘅详情,可以浏览 https://www.ticf.org.hk